《飞吧!坚尼地 做你喜爱的翼锋吧!》

2020-05-28 新奇乐园
《原创文章 欢迎转载 请列明出处 谢谢》-请支持蓝狮 Facebook专页-《飞吧!坚尼地 做你喜爱的翼锋吧!》 按此观看图片 .图片来源 : W3LiveNews.com干地黯然下课,继而沙利接任,经已有现役球员仍未参与季前热身赛而借走,似乎当时「辱华」风波对于佢喺蓝军既前途都已经亮起红灯,今集主角就係刚刚再一次被外借到纽卡素既坚尼地 。2015年,时任主帅摩连奴将坚尼地喺巴甲富明尼斯带到黎伦敦,哩位巴西小将正式展开佢既英超生涯,该季一共为车路士在各项赛事上阵达20场,其中出任过既位置包括左闸、左中场、右中场同右翼锋,可以话保持到一定既上阵时间,但可惜当季蓝军整体表现欠佳,球队表现不稳,引致摩连奴季中下课,而坚尼地相比于同乡拉美利斯能够喺「救火领队」希丁克手底下获得唔少上阵机会,已经相当唔话得。直到前季干地接任帅印后,坚尼地似乎唔係意大利人计划既一部份,开季无耐就将佢借到屈福特,但不幸既係巴西人好快就受到严重伤患困扰,被屈福特中止借用并返回车路士休养,一伤就伤左接近大半季,即使一月尾复出亦喺收咧前只获2次上阵机会,哩一次大伤无疑对佢喺史丹福桥既前程有着深远影响。到上季赛前热身赛时坚尼地牵涉「辱华」风波,一直被球队雪藏到12月,即使解冻后巴西人亦只能为蓝军喺一啲本土盃赛上上阵,而担任既位置正正係马高斯阿朗素既左翼卫位置,但坚尼地场上风格攻强守弱,加上位置感奇差,防守质素低劣,根本就唔係左翼卫既材料,完全谂唔明干地点解会放佢喺哩个位,而唔係比佢做左翼锋,更喺下半季被球会租借至纽卡素。再一次被外借,但今次有啲唔同,曾经教过车路士既宾尼迪斯似乎已经拥有活用坚尼地既说明书,话比大家知究竟点先能够用得好哩位巴西翼锋,自加盟纽卡素后喺英超全部赛事正选上阵,返回翼锋位置坚尼地就好似如鱼得水一样,持球突破过人、关键传送以至推大位射门应有尽有,喺喜鹊短短哩6场间就贡献出2入球1助攻,为纽卡素喺边路上提供活力同一定既侵略性喺度。上季纽卡素能够护级成功,坚尼地可以话功不可没,而宾尼迪斯亦「食过返寻味」希望再一次将佢收归旗下,虽然今次都係外借,但合约中包括了买断条款,深信纽卡素在赛季结束后亦会激活此条款将正式将坚尼地成为喜鹊一员。飞吧!坚尼地,别望回头,也许你在宾尼迪斯手下至会得到真正成长。文章最后更新时间 : 19/07/2018 16:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持